Willem Vermandere

M'n gazette

Imprimir canciónEnviar corrección de la canciónEnviar canción nuevafacebooktwitterwhatsapp

Wware 't nie van mijn gazette 'k sliepe voort de klokke rond
Maar ze ligt daar iedre nuchtend bie de deure op de grond
Rap nen koffie en nen boterham, 'k voel me fit en opgefleurd
Om te lezen en 't herknabbeln wat dat gisteren is gebeurd

Kijk nen keunink op zijn botten en nen overspoelde meers
Nen boksers dikke neuze en een meiske zonder kleers
Maar ook van god heel dikwijls of jezus zijn portret
Of de foto van ne zanger 't spreekt van zelf da'k daarop let

Maar ook serieuze dingen, explicatie van de wet
Deur geleerde professoren schone klaar uiteen gezet
Den toestand in de wereld in noord zuid oost en west
Dat de mens nen luizaard is want ie kakt in 't eigen nest

Dat franco nu in 'n hemel is en dat hitler nog leeft
Dat amerika corrupt is maar ferm voor china beeft
Dat tito nog niet dood is, dat giscard toch wel groot is
Dat ford zijn voorhoofd bloot is en dat nixon maar ne kloot is

Waar zou je brave mensen zonder gazette staan
Daaglijkse bron van wijsheid 't zou zonder u nie gaan
Nen filmster die hertrouwt voor de zeventiende keer
Stel je voor da'j dat nie wist en der is nog zoveel meer

De storm die gepasseerd is en den boer die geruïneerd is
Den tourist die g'ambeteerd is dat de bane geblokkeerd is
D' autostrade g' arriveerd is voor de mens die gepresseerd is
't water gepollueerd is dat de vis al gekrepeerd is

Van den bank die gekraakt is en de misdaad die volmaakt is
't werken nu gestaakt is 't syndicaat dat er geraakt is
Den diner die slecht gesmaakt is en de wijn die uitgebraakt is
De muziek die fel gelaakt is en de zucht die ton geslaakt is

Van de paus die geshockeerd is en zijn ziel getormenteerd is
'n encycliek die gedicteerd is en an 't volk geproclameerd is
Zijn boodschap genegeerd is dat 'n ferme g'ambeteerd is
Dat de mens nie gegeneerd is dat'n zo gepassioneerd is

Nen dag zonder gazette, 't is nen dag killig en koud
't is een stute zonder beuter 't is beuter zonder zout
't is de stilte die verstoord is den haring die versmoord is
De generaal die nu vermoord is en 't gebed dat nu verhoord is

Den bandiet die g'interneerd is en de flik die g'arrangeerd is
De coureur die gedrogeerd is dat zijn herte geforceerd is
Den dokteur gehonnoreerd is zijn sirope gefraudeerd is
De minister die verkeerd is en 't volk dat nu geleerd is

't staat al in mijn gazette gedrukt in't fijn of 't vet
Volgens importentie in volgorde gezet
Daarom begin 'k van achter en 'k leze tot van voor'n
En 'k late in mijn leeslust geen kommaatje verloor'n

Dat de slimm'n gekoeioneerd is en den dwazen gedoctoreerd is
't volk gedecoreerd is de patron zijn geld vermeerd is
De macht en pracht begeerd is en de rechtspraak genegeerd is
Dat de wereld geregeerd is en van 't geld gedomineerd is

En is de krant verslonden, 't papier is nog wat waard
Der moet nog vuur gemakt zijn in de stove en in 'n haard
En dat brandt heel gewillig hoog in de lucht gejaagd
Maar met de dwaze letters daarmee zit ik geplaagd

Canciones más vistas de