Na Sera 'e Maggio
Quanno vien'a 'appuntamento
Guarde 'o mare, guarde ffronne,
Si te parlo nun rispunne,
Staje distratta comm'a che.
Io te tengo dinto core,
Sóngo ancor 'nnammurato
Ma tu, invece, pienze a n'ato
E te staje scurdanno 'e me...
Quanno se dice: "sí!"
Tiènelo a mente...
Nun s'ha da fá murí
Nu core amante...
Tu mme diciste: "sí!" na sera 'e maggio...
E mo tiene 'o curaggio 'e mme lassá?!
St'uocchie tuoje nun só' sincere
Comm'a quanno mme 'ncuntraste,
Comm'a quanno mme diciste:
"voglio bene sulo a te..."
E tremmanno mme giuraste,
Cu na mano 'ncoppo core:
"nun se scorda 'o primmo ammore!..."
Mo te staje scurdanno 'e me...
Quanno se dice: "sí!"
Tiènelo a mente...
Nun s'ha da fá murí
Nu core amante...
Tu mme diciste: "sí!" na sera 'e maggio...
E mo tiene 'o curaggio 'e mme lassá?!
Tu mme diciste: "sí!" na sera 'e maggio...
E mo tiene 'o curaggio 'e mme lassá?!
Autor(es): Gigi Pisano / Giuseppe Cioffi
![The Neapolitan Song / Roberto Murolo and his Guitar [1958] - Roberto Murolo](https://is5-ssl.mzstatic.com/image/thumb/Music/95/9e/17/mzi.beqocuow.jpg/248x248cc.webp "The Neapolitan Song / Roberto Murolo and his Guitar [1958] - Roberto Murolo")
