Omnis Mundi Creatura
Omnis mundi creatura
quasi liber et pictura
nobis est in speculum
Omnis mundi creatura
quasi liber et pictura
nobis est in speculum
nostrae vitae, nostrae mortis
nostri status, nostrae sortis
fidele signaculum
Nostrum staum pingit rosa
nostri status decent glosa
nostrae vitrae lectio
quae dum primo mane floret
defloratus flos effloret
vespertino senio
nostrae vitae, nostrae mortis
nostri status, nostrae sortis
fidele signaculum
Cuius vita cuius esse
poena, labor et necesse
vitam morte claudre
sic mors vitam, risum luctus
umbra diem, portum fluctus
mane claudit vespere
In nos primum dat insultum
poena mortis gerens vultum
labor mortis histrio
nos proponit in laborem
nos assumit in dolorem
mortis est conclusio
nostrae vitae, nostrae mortis
nostri status, nostrae sortis
fidele signaculum
