Aquel Día
Depués, una nueche, sonó'l teléfonu,
cola escuridá,
el so timbre truxo la muerte.
Una condena al silenciu
qu'acercó a la mio cabeza
la memoria d'aquellos díes.
El so timbre truxo la muerte.
El desgarru de la emoción,
la conversión a piedra
les esplosiones del llantu
el fiu de dios na cruz
la caricia del mieu.
Dende aquel día
la muerte quedó a vivir
cerca de mi
(dende aquel día la muerte).
Dalgunes nueches cierro los güeyos
(dende aquel día la muerte)
y siento la so presencia
(dende aquel día la muerte).
Pero'l to amor me salva.
