Na Nao Do Mar Laranxa
Na nao do mar laranxa
Anda a noivar
Seus amores pequeniños
Non os contar.
Anda a noivar
Non o contar!
Porase coloradiña
Hastra o van.
E tapará os dous ollos
Con unha man.
Anda a noivar
Non o contar!
Hai una illa loubada
Alá no fondal do mar,
Bois da color do tempo
E pastoras de cristal.
Ten un río de paxaros
Que desemboca en canción.
Paxaros mornos de illa
Con os seus niños no sol.
Ten lúa nova e crecente
Et ollos para decir ai lá!
A boca tena pechada
Para vendimias de sal.
E ten un cabelo novo,
Ai amor! Qué pelo ten.
Cheiro profundo de alga
E sabor limpo de mel.
Hai una illa loubada
Alá no fondal do mar,
Navegada de luceiros
A noite nácelle o van.
Hai una illa loubada
Alá no fondal do mar.
