Amua
Neure amildegiaren ertzean naizela
galderak atzetik bultzatzen nauela
ezin dut erabaki
Honek bi egingo nauela jakinaren gainean
neu naizen beldurrez beste neu bat sortzeak
zer emango didan eta zer kendu
Baina galderak berak erdibatzen gaitu
buelta emanez gero amu bat egiten du
ta helduta nauka lepotik
Inoiz izan ez duzun zerbaiten ausentziak
eragiten dizun zulo sakonak
zeure burua ez ezagutzeraino
Atzo egia zena gaur ez du balio
denborak dena gezurra dela dio
eta gu hala ere euriaren bila
Ta dudaren labana zorrotzak erdibatzen banau
erdi izango naiz betirako
inoiz ez berriz nintzena
Lagunak ditut etsiraino jota borrokan
jaio nahi ez duten umeen kontra
inoiz izan ez dugun zerbaiten ausentziak egiten dizun zuloa
zeure burua zugandik urrunduz, zugandik urrunduz
Behin oso bat izan nintzen
nahiz sentitu gabekoa
bihotzean abokatzen denez
beste baten barruan sortu zen
Baina atzo egia zena gaur gezurra da
denborak beste bat egin nau
beste bat egingo nau
