Sustraiak
nagoen lekuan ez naizela diote
inguruan ditudanek
erroak haragi bizitan bezala
inori, ezeri heldu gabe
ba omen itsaso azpian zuhaitzik
batetik bestera, inon errotu barik
desertuan, berriz, lurrari baino
ortziari gehiago eusten dionik
hegan egin nahi izango balu bezala
eta erauzi dagoen lekutik
hegodun zuhaitza balitz bezala
eta ez eman inon, inori, sustrairik
