Canto A Tupac Amaru II (bonus track)
Dinamitawan phawarichinqaku kurkunta.
Q'epinkupiraq, k'unpasparaq aysanqaku.
Maqashaspalla hunt'achinqaku siminta
polvoramanta.
Pfawarichinqaku kurkunta, chaypas manan
atinqakuchu wañuchiyta.
Uray umata churanqaku, qhasurinqaku
munayninkunata, kirunkunata,
qapariyninkunatawan.
Sinchi phiñakuyninkuwan hayt'ayunqaku.
Jinamanta yawarchayunqaku,
chaypas manan atinqakuchu wañuchiyta.
Umanta muyurichinqaku yawarmanta
uyankunapi saqmaspa, t'urpinqaku
takarpuwan waqtankunata.
Kanichinqaku allpay pfuyuta, maqayunqaku
chaypas manan atinqakuchu wañuchiyta.
Sik'inqaku mosqoyninta, ñawinkunatawan.
Munanqaku kuchuyta kurkunta,qaparispa.
Thoqayunqaku, wañuchiy yuyay
chakatanqaku takarpuwan
Ichaqa mana atinqakuchu wañuchiyta.
chaypas manan atinqakuchu wañuchiyta.
Pfawarichiyta monanqaku,
ichaqa mana atinqakuchu pfawarichiyta.
P'akiriyta munanqaku
ichaqa mana atinqakuchu p'akiyta.
Wañuchiyta munanqaku
ichaqa mana atinqakuchu wañuchiyta.
Kuchuyta munanqaku,, ñut´uriyta,
qhellichayta, saruchakuyta,
nunanta chinkarichiyta.
Pfawarichiyta munanqaku
ichaqa mana atinqakuchu pfawarichiyta.
P'akiriyta munanqaku
ichaqa mana atinqakuchu p'akiyta.
Wañuchiyta munanqaku
Ichaqa mana atinqakuchu wañuchiyta.
Kinsa p'unchay ñak'ariyñinpi
llipik yuyayninkupi, iñiyninkupi, tukusqa
kashaqtin, qaparimunqa.Qespesqata!
pacha mama hawa kutimunqa,
chayqa manañan atinqakuchu wañuchiyta.
