Máis a modo
Debullando o almanaque, frenético e salvaxe,
o tempo é maldito nesta fugaz viaxe.
Lanzados ao baleiro, pisando ferro a fondo,
nunca para o reloxo, todo pasa correndo…
Máis a modo, máis a modo ...
…máis a modo ou farás un fermoso cadáver …
Debullando nos días, na vella corredoira,
camiñando entre sombras, sorteando pantasmas.
Aquí nunca se para, aquí nunca se mira,
aquí nunca se escoita, aquí nunca se cavila…
Máis a modo…
E todo está en venta, e todo está de oferta,
ninguén vende futuro nesta terribel feira?.
E eu vou escaso de ferralla para pagar a peaxe,
vou escaso de neuronas para a última viaxe…
Máis a modo…
