Ama, Kami Ay Dinggin Mo
Oh Diyos Amang makapangyarihan
Dinggin mo ang aming dasal
Kami'y humihingi ng awa
Ang mundo ay iyong tulungan
Pagsubok na anong bigat
Ngayo'y aming pasan-pasan
Kami'y bigyan mo ng lakas
Upang ito'y malampasan
Pagkat ang buhay ay laging may pagsubok na darating
Sa ating Diyos na Maykapal
Patuloy tayong manalangin
Ama kami ay dinggin mo
Ang kadilimang bumabalot sana'y pawiin mo
Ikaw lang ang tanging takbuhan
Na bukas ang pintuan
Sana'y hanguin mo
Sa pagsubok ang sangkatauhan
Kung wagas ang iyong pananalig
Agad ka niyang maririnig
Pagkat ang puso niyang busilak
Walang hanggan ang pag-ibig
Kahit maging sino ka pa
Sa kanya tayo'y iisa
Ang bawat nating panalangin
Sa kanya ay mahalaga
Pagkat ang buhay ay laging may pagsubok na darating
Sa ating Diyos na Maykapal
Patuloy tayong manalangin
Ama kami ay dinggin mo
Ang kadilimang bumabalot sana'y bawiin mo
Ikaw lang ang tanging takbuhan
Na bukas ang pintuan
Sana'y hanguin mo
Sa pagsubok ang sangkatauhan
Sama-sama tayong manalangin
Upang agad mapawi na sa mundo ang dilim
Ama kami ay dinggin mo
Ang kadilimang bumabalot sana'y pawiin mo
Ikaw lang ang tanging takbuhan
Na bukas ang pintuan
Sana'y hanguin mo
Sa pagsubok ang sangkatauhan
