Bart van de schieleken draej
Bart van de schieleken draej is zo'n arbeiderstyp
dat ech nog wet wat warken, niks doen kan e niet.
Steet 's marges op veur dag en dauw, tot 's aoves geet e deur
zwak of ziek of misselek, dat kump bi'j um niet veur.
Mouwen opgestreup, altied 't zelfde bluusken an
zon of regen, weer en wind, daor trik e niks van an.
Roken as een kachelpiep, de bí¶t die doen um zeer
en a'j dan vraog hoe 't met um geet, dan zingt e altied weer:
'k Vuul mien wat sloerig in de rakker, wat snotterig en foel
kiek pips neven de windveer, a'j begriep wat ik bedoel.
Gerochel in 't kanister en wat poeterig in den hoed
maor zolang ik op mien benen stao, geet 't mien goed!
Bart rijdt op zo'n solex nog, dat olderwetse typ
iedereen kent um daor met, een vijand het e niet.
Scheurt er schielik met de bochten deur, alderjekes schief
daor kreeg e ok zien bi'jnaam deur, dat nimp e maor veur lief.
Kí¶ts mos e naor den dokter toe, d'n keuring van 't wark
hi'j dach nog: niks gebeurt mien hier, ik bun nog berestark.
D'n dokter schreef um pillen veur, de griep is in de buurt
dat viel bi'j um toch iets verkeerd en riep toen overstuur:
'k Vuul mien wat sloerig in de rakker, wat snotterig en foel,
kiek pips neven de windveer, a'j begriep wat ik bedoel.
Gerochel in 't kanister en wat poeterig in den hoed,
maor zolang ik op mien benen stoa, geet 't mien goed!
Zo ri'jt e bi'j d'n dokter weg, nog kwaod, in volle vaart
daor zut e net een auto niet en remmen was te laat.
D'n fiets aover d'n auto hen en Bart vlí¶g deur de luch
hi'j kets aover de keien hen, blif liggenop zien rug...
D'n arts den snel ter plekke was, hi'j had d'n klap geheurd
den kek en schudden met zien kop: Nee, t is gebeurd.
D'n pastoor was d'r now ok al bi'j now, gaf geestelijke steun
toen Bart d'n letsten zegen kreeg, klonk d'r toch weer wat gekreun...
'k Vuul mien wat sloerig in de rakker, wat snotterig en foel,
kiek pips neven de windveer, a'j begriep wat ik bedoel.
Gerochel in 't kanister en wat poeterig in den hoed
maor zolang ik op mien benen stao, geet 't mien goed!
