De Roos
As de sunne langzoam opkomt
En dauw as zilver hangt
As't gemoal de sloot'n vol pomt
En dag de nacht bedankt
Din zai ik de bloam weer blui'n
D'eerste vogel zingt in t'holt
Nooit zag ik wat mooiers grui'n
As de roos zien blad ontvolt
Bie verdrait en ook bie laifde
Stait de roos altied centroal
Zunder woord'n zeg e't maiste
Sprekt veur elk de juuste toal
Nee mit de roz'n ook de doorns
Zodat echthaid blift bestoan
K'heur muziek oet doezend hoorns
As de roos doar zai stoan
Is mien haart soms vol mit zeurg'n
Heur ik boet'n de kolle wind
Jo din komt de neie morg'n
Veul ik veurjoar als n kind
T'leste ies smelt uut de geut'n
Alles om mie tou word groot
Honderdoezend neie scheut'n
en mien roos geft zuch weer bloot
