Favi Ncrapiati
Tra tanti sapuri, c'agghiu ssaggiatu
No trovu megghiu, ti li favi ncrapiati
Nna vota siccati, poi vannu shcantati
Li minti a bagno, so' già rrimuddati
Cupri t'acqua 'ntra nna pignata
Nanz'alla croscia appena calata
Fuecu lientu poi l'ha cucinari
E quandu fervunu, falli shcumari
Appena so' cuetti, l'ogliu nci minti
Piacunu a tutti, villani e signuri
Ti dicu na cosa, ca no t'ha scirrari
La pignata ti intra ha crattari
Sia pari pari o ddilissati
Rapicauli e favi vannu ncrapiati
Ci so' cicureddi o e' misculanza
Favi, cipodda e ti giusti la panza!
Favi, cipodda e ti giusti la panza!
Favi, cipodda e ti giusti la panza!
Favi, cipodda e ti giusti la panza!
Favi, cipodda e ti giusti la panza!
Ci minti a shtuezzi lu pani frittu
No di' a nisciunu ci ti l'è dittu
E' nnu piaceri ca è shtatu criatu
E reshta futtutu ci no l'è pruvatu!
Autor(es): Diego Bottazzo
