Kuinget Sanga I Kuta
Adi kuinget sanga tading i kuta
Lanai bo terturiken ban riah na
Adi kuinget si medanak mbarenda
Labo lit man tangkelen nggeluh enda
Kiam kiam i tengah kesain e
Lit deba si ergasing erguli cengkah-cengkah erbuni-buni
Adi mbarenda terangken sa wari e
Berkat ku sekolah erguro guro
Adi mbarenda gelapkenca wari e
Nggo me terdaram nande ras bapa
Mulih sekolah labo minter kujuma
Nggo kelis ku lau engkawil ndurung-ndurung erlangi langi
Adina kuinget sanga kitik i kuta
Seh nge riah na ras teman e erjagar jagar
Adina kuinget nde karo e mbarenda kitik denga
Tapi gundari nggo jadi bidadari kuta
Nde riah na sanga tading i kuta
Tapi gundari ija nge kena kerina
O teman tedeh ateku kuta
Adina kuinget sanga kitik i kuta
Seh nge riah na ras teman e erjagar jagar
Adina kuinget sanga kitik i kuta
Seh nge riah na ras teman e erjagar jagar
Adina kuinget nde karo e mbarenda kitik denga
Tapi gundari nggo singuda nguda kuta
Nde riah na sanga tading i kuta
Baci denga ergani gani man nande ras bapa
Oh tedeh ateku kuta
