Vökuró
Bærinn minn
Bærinn minn og þinn
Sefur sæll í kyrrð
Fellur mjöll
Hljótt í húmi á jörð
Grasið mitt
Grasið mitt og þitt
Geymir mold til vors
Hjúfrar lind
Leynt við brekkurót
Vakir eins og við
Lífi trútt
Kyrrlátt kalda vermsl
Augum djúps
Útí himinfyrrð
Starir stillt um nótt
Langt í burt
Vakir veröld stór
Grimmum töfrum tryllt
Eirðarlaus
Óttast nótt og dag
Augu þín
Óttalaus og hrein
Brosa við mér björt
Vonin mín
Blessað brosið þitt
Vekur ljóð úr værð
Hvílist jörð
Hljóð í örmum snæs
Liljuhvít
Lokar augum blám
Litla stúlkan mín
