Canzona Bella

Imprimir canciónEnviar corrección de la canciónEnviar canción nuevafacebooktwitterwhatsapp

Vuje ca de bbelle la cchiù bella site,
Veniteve a affacciá foro balcone...
Scetáteve nu poco, nun durmite:
Sentite quant'è doce 'sta canzone.

Chesta canzone ca io stó' cantanno,
È tutta sentimento e 'spressione
Che vène da nu core 'e passione...
Stu core ca, pe' vuje, soffre 'a n'anno!

Vurria addeventá chistu cuscino,
Addó' 'sta faccia 'e rose vuje appujate...
Sul'accussí ve venarría vicino
E vasarría sti ttrezze avvellutate.

Bella, ca de bellizze ca tenite,
Facite 'mmiria a 'e stelle 'e 'mmiez'ô cielo
Po scuorno, 'a luna giá s'ha miso 'o velo
Pecché cchiù bella d'essa vuje parite.

Tutte sti rrose 'e for'a 'sta fenesta,
Aspettano ca forse v'affacciate...
Ve stanno priparanno giá na festa
Pe' quanno vuje, da 'o suonno, ve scetate!

E si stu suonno, a vuje, ve dá arricietto,
Pe' me, 'o suonno, nun esiste maje...
Mme diceno 'e llenzole 'e dinto lietto:

"Si vène nénna toja, durmarraje!..."


Autor(es): Eduardo di Capua / Vincenzo Russo

Las canciones más vistas de

Mario Trevi en Octubre