Grootmoe's Blomtoentje

Imprimir canciónEnviar corrección de la canciónEnviar canción nuevafacebooktwitterwhatsapp

Veur t glaas bie t bonde vledderke
Heur foksioa's aan t ledderke
Pantovveltjes, geroaniom
Het is ain blom, aal blom

Stokrozen stonnen stoef aan muur
En aan heur vouten kooltjes-vuur
Sierattjes hangen over t goas
En zunneblom is boas

Schosstainvegers, hail apaart
t Akkelaaike, t bluiend haart
En widde knoopkes en megriet
Dij doun t n haile tied
----
n Dikke deuskedoahlioa
En ronnomheer rezidoa
Goldjes sloagen zo mor op
Moandrooskes, mainst nog knop

Golden piepkes gruin en gaail
Doezendschoonders stonnen staail
Floxen bluien fleureg, fleeg
Noast pispotjes in heeg

t Zelveboske staait aan kaant
Plevaaierkes dij moaken raand
En midden over t haarkte pad
Doar kropt t doezendblad
----
Mien grootmoe let ze stil zo stoan
Ze hoalt gain blom oet toen vandoan
Het nooit nog ain op toavel zet:
Doar pronkt heur kunstboeket.


Autor(es): Age Van Der Velde

Las canciones más vistas de

Age Van Der Velde en Noviembre