Hannes Wader

He sä mi so vel

Imprimir canciónEnviar corrección de la canciónEnviar canción nuevafacebooktwitterwhatsapp


He sä mi so vel
Un ik sä em keen Wort
Un all wat ik sä, weer:
„Jehann, ik mutt fort!"

He sä mi vun Lev
Un vun Himmel un Eer
He sä mi vun Allens -
Ik weet ni mal mehr!

He sä mi so vel
Un ik sä em keen Wort
Un all wat ik sä, weer:
„Jehann, ik mutt fort!"

He heel mi de Hann'
Un he be mi so dull
Ik schull em doch gut wen
Un ob ik ni wull?

Ik weer je ni bös
Awer sä doch keen Wort
Un all wat ik sä, weer:
„Jehann, ik mutt fort!"

Nu sitt ik un denk
Un denk jümmer deran
Mi dücht, ik muss seggt hebbn:
„Wa geern, mi Jehann!"

He sä mi so vel
Un ik sä em keen Wort
Un all wat ik sä, weer:
„Jehann, ik mutt fort!"

Un doch, kumt dat wedder
So segg ik keen Wort
Un hollt he mi, segg ik:
„Jehann, ik mutt fort!"

Canciones más vistas de

Hannes Wader en Mayo