Le Radici Ca Tieni
Se nu te scierri mai de le radici ca tieni
Rispetti puru quiddre de li paisi luntani
Se nu te scierri mai de du ede ca ssa ieni
Dai chiù valore a la cultura ca tieni
Simu salentini de lu munnu cittadini
Radicati a li messapi cu li greci e i bizantini
Uniti intra stu stile osce cu li giammaicani
Dimme tie de du ede ca ssa bieni
Se nu te scierri mai de le radici ca tieni
Rispetti puru quiddre de li paisi luntani
Se nu te scierri mai de du ede ca ieni
Dai chiù valore a la cultura ca tieni
Simu salentini de lu munnu cittadini
Radicati a li messapi cu li greci e i bizantini
Uniti intra stu stile osce cu li giammaicani
Dimme tie de du ede ca sta bieni
Yo, Egnu de lu Salentu e quannu mpunnu parlu dialettu
E nu mbede filu no ca l'italianu nu lu sacciu
Ca se me mittu cu riflettu parlu lu giammaicanu strittu
Perchè l'importante e cu sai nu pocu de tuttu
Anche se de tuttu a fiate me ne futtu
Ma se na cosa me interessa su capace puru me fissu
Se ete quiddru ca oiu fazzu me mittu ddrai e fazzu ce pozzu
Perché addru bessere ieu ca decidu de mie stessu
Ca la vera cultura è cu sai vivere
Cu biessi testu ma sempre sensibile
Puru ca la vita ete dura è meiu sai amare
Puru quannu te pare ca ete impossibile
Me la difendu la tegnu stritta cu lu core
La cultura mia rappresenta quiddru ca è statu e ca ha benire
Intra stu munnu a du nu tene chiui valore
Ci parla diversu o ede diversu de culure
Te ne leanu tuttu puru la voglia de amare
Cussì ca tanta gente a pacciu modu stae a regire
Te ne leanu tuttu puru le ricchie pe sentire
Ci chiange e chiede aiutu pe li torti ca stae a subire
Te ne leanu puru la terra de sutta li piedi
Se cattanu tuttu quiddru a cui tie nci tieni
Me dispiace pe tuttu quiddru ca ne sta gliati
Ma stamu ancora quai de quai nu ne limu mai sciuti
Se nu te scierri mai de le radici ca tieni
Rispetti puru quiddre de li paisi luntani
Se nu te scierri mai de du ede ca ieni
Dai chiù valore a la cultura ca tieni
Simu salentini de lu munnu cittadini
Radicati a li messapi cu li greci e i bizantini
Uniti intra stu stile osce cu li giammaicani
Dimme tie de du ede ca sta bieni
E riu de la terra a du nce sempre lu sule
A du la gente cerca umbra ca la po defrescare
A quai stae scrittu su le petre quiddru ce aggiu capire
Su parole antiche percè l'uomu nu po cangiare
Memoria ede cultura e bede quistu ca ole
Recorda ce ha successu cussì pueti capire
Lu boia denta vittima puru dopu menz'ura
Ma la vittima denta boia se nu tene cultura
Su ste radici nui stamu ben radicati
Ni fannu amare populi mai canusciuti
Ni scosta de ci medita l'odiu e la guerra
Ma de sti criminali la capa mia nu se scierra
E tie difendila
Quannu poi difendila
È la terra toa amala e difendila
Sientime difendila
Quannu poi difendila
È la terra toa amala e difendila
De cine?
De ci ole cu specula e corrompe difendila
De ci ole sfrutta l'ignoranza difendila
De ci ole svende l'arte noscia difendila
De ci nu bole crisca ancora difendila
Pe ci nu tene chiù speranza difendila
Pe ci ha rimastu senza forza difendila
Pe ci nu pote ma nci crite difendila
Pe ci nu te pote secutare difendila
Se nu te scierri mai de le radici ca tieni
Rispetti puru quiddre de li paisi luntani
Se nu te scierri mai de du ede ca sta bieni
Dai chiù valore a la cultura ca tieni
Simu salentini de lu munnu cittadini
Radicati a li messapi cu li greci e i bizantini
Uniti intra stu stile osce cu li giammaicani
Dimme tie de du ede ca sta bieni
Egnu de lu Salentu e quannu mpunnu parlu dialettu
E nu mbede filu percè ca l'italianu nu lu sacciu
Ca se buenu me recordu do parole de wolof africanu
Ceebu jën é lu risu cu lu pisce ca se mangia cu le manu
E mu ngu mukk ubbal vuol dire ‟nun ne pozzu fare a menu"
E maa ngi dem maa ngi dem vuol dire ‟sciamu moi sciamu"
A du ete ca uei basta ca rispettu purtamu
E ca ne facimu rispettare pe quiddri ca simu
Ca la vera cultura è cu sai itere
La realtà pe quiddra ca ete sia ca é facile o ca è difficile
La vera cultura è cu sai capire
Ci tene veramente besegnu ci ete lu chiù debole (sine moi a quai)
La difennimu stritta e forte cu lu core
Quista è la poesia ca crea sta terra cu l'amore
Quiddra ca muti tenenu modu te sentire
Grazie a ci la porta in giru oci a quai la po saggiare
E riu de la terra a du nce sempre lu sule
E a la gente ca ria nci pensa sempre lu mare
A quai stae scrittu su le petre ce aggiu capire
Cercu cu te le spiegu perché nu ta scierrare
E tie difendila
Quannu poi difendila
È la terra toa amala e difendila
Sientime difendila
Quannu poi difendila
È la terra toa amala e difendila (sempre de chiui)
Se nu te scierri mai de le radici ca tieni
Rispetti puru quiddhe de li paisi luntani
Se nu te scierri mai de du ede ca ieni
Dai chiù valore a la cultura ca tieni
Simu salentini de lu munnu cittadini
Radicati a li messapi cu li greci e i bizantini
Uniti intra stu stile osce cu li giammaicani
Dimme tie de du ede ca sta bieni
Autor(es): Antonio Petrachi / Fabio Miglietta / Federico Vaglio / Fernando Blasi
