S'urtima luche

Tazenda


E' setzida a Deus preghende
Su chelu e' marmaru abbaidende
Jaja fortzisi l'at cumpresu:
S'urtimu viadzu no est attesu
Chi facher tzertu lu deppiat
Dae meda ja l'ischiat

Sa mariposa chene prus alas
Si lassat tottu sa vida a palas
Paris cun issa, casi pranghende
Tottu unu mundu si nd'est andende
E sutta ‘e custu chelu ‘e nie
B'at zente chi non riet
B'at zente chi non riet

S'urtima luche de sa die
S'est istudende
S'urtima luche de sa die
Nos e' lassende
E sutta ‘e custu chelu ‘e nie
B'at zente chi non riet

Sos betzos nostros ant a cumone
Sa soledade ‘e unu sirbone
Sa cara franca de unu mandzanu
S'anima durche e su beranu
In coro unu disizu ebbìa:
Torrare a pitzinnìa
Torrare a pitzinnìa

S'urtima luche de sa die
S'est istudende
S'urtima luche de sa die
Nos e' lassende
E sutta ‘e custu chelu ‘e nie
B'at zente chi non riet
B'at zente chi non riet