Zeiche setze
Mir wän Weische schtelle ond Zeiche setze. Plane jetzt d Zuekunft, drum söll uns keine stresse. An all die kleine Deppe wo uns kritisch beguatachte: Händ dr nid gmerkt, dass es jetzt Ziit esch zum Fuess fasse? Mir müend zuepacke, bevor sich alli Türe zuemache. Und in Rueh wachse, bevor mir verstaube wie Schueschachtle. Wenn mir an Gluet bachtle, glänze mir wie Perlmuet, bekämpfe die derb Wuet locker, als hätte mrs im Erbguet.
Ich ben dankbar für die Liebi wo mr uns entgägebrengt. Für die Momänt wo ich mir z Härze nimm und mis Läbe stimmt. Handkehrum gits au viel Niidr wo nid könne still bliibe, wo plätzlich "sell out" schreie und öppis vowäge "real keepe". Nenn uns miinetwäge Komerz, verdammt mir verkaufe Platte. Hän nie dänkt wie viels denne wärde und dass alli Auge mache. Kum nied vowäge uusverkauf, unsri Crew macht super Sound, nid weil e Major uns ufbaut, sondern weil mr unsrer Kunst vertraut. Mir hän Credibility, wänd alles usser billig sii, nämme nur was uns zueschtot, äntwäder wersch di oder welligsch ii. Mir kokettiere nid mitem Mainstream, das isch Bullshit!
Klar, mir hän mehr Uufmerksamkeit kriegt als dr Durchschnett; doch die löscht dr Durscht ned, sondern git uns d Möglichkeit, mit unsre Wort z vermittle, was susch irgend en Lööli seit. Well de grösst Teil het nach wie vor kei Ahnig vo uns , kennt unser Clip und nid dr Sound, doch dä isch d Basis vo uns.
Was meinsch, söll ich euch Penner verschohne mit mine Emotione? Ich glaub nid, ich wird si eher no stärker betone. De einte Send die Text viellicht zu kopflastig. Andri finde eusi Beats zu bombastisch. So ergit sich unsri Praxis, wenn dr DJ dr Beat bringt und die Hater bliibe eh stumm, wenn ihr debii sind. Ich will uf dr Bühni im Mittelpunkt schtoh und nid au sunscht no. Vieli vergässe, dass es im Grund gnoh immer no um Kunst goht. Alles anderi isch sekundär, uns gots nid um Sekt und Gäld, wobii uns ohni Iiinahme dr Background fählt. Es isch e Gratwanderig zwüsche Protest und Aabandelig. Solang mr uns treu bliibe, glaubii, checke das anderi. S isch en Underisch öb mr Erfolg hett will mr guete Rap macht, oder nur nach Gold strebt, und drum s gliich wie dr Räscht macht. Iich bi MCEE, kei Gschäftsmaah, bau jetzt am Fundamänt mit, wo ihr nutze könne, wenn m reu s Mic id Händ git.
Cuts: Seh mich täglich auf Wegen die mich prägen.
Cuts: Hör mal gut zu auch ohne Product- Placement und Marketing sind wir auf Strassen King, weil Kids unsere Phrasen singen