Pandeirada
A raíz do toxo verde, (2 veces)
é moi mala de arrincare,
os amoriños primeiros, (2 veces)
son moi malos de olvidare.
Ailará, ailaralá,
escomencemos a pandeirada
escomencemos o baile xa!
Unha vella díxolle a outra (2 veces)
polo burato da porta:
ti goberna a túa vida (2 veces)
que a miña nada che importa.
Ailará, ailaralá,
escomencemos a pandeirada
escomencemos o baile xa!
A miña muller morreume (2 veces)
e enterreina no palleiro,
deixeille un brazo fóra (2 veces)
pra que tocara o pandeiro.
Ailará, ailaralá,
escomencemos a pandeirada
escomencemos o baile xa!
Miña nai e maila túa (2 veces)
quedan no río berrando
por culpa dunha galiña (2 veces)
que ten amores cun galo.
Ailará, ailaralá,
escomencemos a pandeirada
escomencemos o baile xa!