Gloria, laus et honor
Gloria, laus, et honor, tibi sit, Rex Christe, Redemptor:
Cui puerile decus prompsit Hosanna pium.
Gloria, laus, etc.
Israel es tu Rex, Davidis et inclyta proles:
Nomine qui in Domini, Rex benedicte, venis.
Gloria, laus, etc.
Cœtus in excelsis te laudat cælicus omnis,
Et mortalis homo, et cuncta creata simul.
Gloria, laus, etc.
Plebs Hebræa tibi cum palmis obvia venit:
Cum prece, voto, hymnis, adsumus ecce tibi.
Gloria, laus, etc.
Et tibi passuro solvebant munia laudis:
Nos tibi regnanti pangimus ecce melos
Gloria, laus, etc.
Hi placuere tibi, placeat devotio nostra:
Rex bone, Rex clemens, cui bona cuncta placent.
Gloria, laus, etc.
Autor(es): Teodulfo de Oreleans