Superman
Ich ha welle danke säge
Für das wunderbare gfühl
Wo du mir gisch wänn du mich aluegsch
Und wänn du mi berüehrsch
Das gfühl isch unbeschrieblich
Es macht mi gross und schtarch
Das gfühl isch unvergliichlich
Immer wider wird i schwach
Du gisch mer s’gfühl ich seig de
Superman, spiderman, batman und de robin
All zäme ir gliche person
Ich fühl mi wien en oskargwünner en olympiasieger
E wältsensation
Du gisch mir s’gfühl ich seig
De tiger und de roger, de beckham und de brad
All zäme das seig ich
Ich fühl mi wien en siegertyp wo kän punkt vergit
Jedes mal wäni bi dir bi
Du muesch di nid verschtelle
S’isch dini ganz normali art
Doch si wirkt uf mi wie magie
Statt für nüt bini für alles z’ha
Mini fründe warned mi
Säged die liebi macht blind
Doch für das gfühl isch mer glich öbd mi irgendwänn
Mit huut und haar verschlingsch
Du gisch mer s’gfühl ich seig de superman…
Ich wünscht es wär so jede tag
Doch für dich chunt das nöd in frag
Hesch kä zit, vilicht schpäter
Und sowieso gits da no öpper
Er isch so wahnsinnig schtarch
Ab ihm wirsch nume no schwach
Er macht öppis wo no niemer het gschafft
Er git der s’fühl du seigsch
Supergirl spidergirl heidi und madonna
All zäme ir gliiche person
Jenu es isch verbi doch s’isch nöd schlimm scho gli
Hanich mis nöchschte rendez vous als superman
Du gisch mer s’gfühl ich seig de superman…
