Je Languis D'amere Mort (Ancient Version)
Je languis d'amere mort
Sans avoir nul reconfort
De vous, ma tres douce amie,
Si que joie est faillie,
Se pitié ne vous remort.
Car le dolour que je port
Si souvent me point et mort
Que vivre ne puis mie
Longuement en tel deport,
Se par vo tres dous acort
N'ai de vous auncune aÿe.
Dont je suis en desconfort,
Quar Fortune, a si grant tort,
M'est adès si anemie
Et Espoir, qui ne dort mie,
Si m'eslongue de son port.
Je languis d'amere mort
Sans avoir nul reconfort
De vous, ma tres douce amie,
Si que joie est faillie,
Se pitié ne vous remort.
