Vocca e rummore
Vocca e rummore 'e chistu tiempo,
Ferita aperta, nommo ca scummoglia
annura 'na voce scuncecata,
Mamma e pato, 'na nuttata,
luna e fenesta.
Puòrtate a casa chesti ccose
e falle crescere annascuso.
Dummèneca d'Aprile,
'nu paro d'uocchie nire
te vedarranno pe'Santa Teresa,
e 'a scesa addeventaje sagliuta,
beato chi m'aiuta,
'a quanno staje luntana 'a me.
Puòrtate a casa chesti ccose
e falle crescere annascuso.
Viento 'e terra,
mo c'ammo fernuto 'a 'uerra
saglie 'ncielo e s'arravoglia
'e mmane... te sto aspettanno
'a 'na nuttata sana.
'Stu suonno m'ha scetato
mmiezo 'a via... e che malincunia.
'O piatto è friddo e fa paura
dulure 'e capa fora 'e bbarcune.
'Na voce ca me chiamma
e io m'annasconno pe' nun me fa vede'.
Si pienze a mme
votta a passa' 'a nuttata
Me so' sbagliato
a te cerca' cu ll'uocchie chiuse,
si guardo 'n cielo veco 'o ffuto
e so' ccadute 'e stelle.
Puòrtate a casa chesti ccose
E falle crescere annascuso.
Writer/s: Alessio Arena
