Kling no klokka
Kling no, klokka! Ring og lokka,
Ring og lokka frå tusen tårn!
Tona om frelsa! Kalla og helsa,
Kalla og helsa med fred Guds born!
Kling no, klokka! Ring og lokka,
Ring og lokka frå tusen tårn!
Songar sæle, englemæle,
Englemæle med livsæl ljod!
Far gjennom grender, strøym over strender,
Strøym over strender som toneflod!
Songar sæle, englemæle,
Englemæle med livsæl ljod!
Høge fagnad! Sælt det dagna
sælt det dagna og ljoset rann:
Von yver verdi, ljos yver ferdi,
ljos yver ferdi til livsens land.
Høge fagnad! Sælt det dagna,
sælt det dagna og ljoset rann.
Englar kveda: Høyr den gleda,
Høyr den gleda som her er hend!
Ljoset er runne, livet er vunne,
Livet er vunne: ein Frelsar send.
Englar kveda: Høyr den gleda,
Høyr den gleda som her er hendt.
Writer/s: Elias Blix
