Malamuri
Lu malamuri
Ca t'arrivota e annagghia l'ali
Alliscia li penni
E supra 'a cuda jetta lu sali
Vampa di focu
E comu sciara ti nni cali
E tu ca fusti la vita mia
Ciatu, sangu di lu me sangu
E stidda, lacrima di lumía
Hey, cu lu cori di fangu
Lu malamuri
C'un ti nni fuj, 'un ti nni scappi
Arrappa lu cori, antrica li veni
E passía 'ntra li rappi
Travía lu senziu
E 'nnuccenza, cu n'appi n'appi
E tu ca fusti la vita mia
Hey, iu anima spersa
E tu taliári ca mascaria
Hey, u arma arriversa
Onna allipussa
Scuma c'attigghia 'a raggia du mari
C'annaca, pigghia
Affunna, isa, lassa affucari
Scuta la brogna
Ca la vriogna la fa ammucciari
E iu 'mpronta di la tua
Tu bistemia d'amuri
E jocu tintu ca disvía
Tu minnitta d'amuri
E tu, tu ca vulisti a mía
'Nta 'na vanedda morta
E iu ca t'haju vulutu a tía
Cu la me arma torta
Writer/s: Olivia Sellerio
