Panawagan
Sa dilim ng hating gabing matahimik
Ang simoy ng hangin ay lubhang malamig
Lakas loob akong sayo'y namamanhik
Na dinggin mo ang puso kong umaawit
Ang pakiusap ko'y huwag kang magagalit
Pag-gambala ko sayong pananahimik
Pagkat ang nais ko'y iyong mababatid
Ikaw lamang ang tunay kong iniibig
Panawagan ko sinta
Gising na't magbangon ka
Upang iyong madama
Ang puso kong nagdurusa
Panawagan kong ito
Kahit saglit dinggin mo
Upang iyong matanto
Tunay na pag-ibig ko
Panawagan kong ito
Kahit saglit dinggin mo
Upang iyong matanto
Tunay na pag-ibig ko