Perlas Ng Silangan
Tanawin mo sa silangan
May mga islang nagdaramihan
Hindi lang animong perlas
Kung di mistulang isang kwintas
Maraming mga wikain
Pitompu't walong mga dila
Sa mahigit pitong libong
Magkakalapit na mga isla
Marami ang mahuhusay
At bantog na mamamayan
Hindi lang sa larangan ng
Sining at agham
Kapit bisig tayong mabuhay
Sa lupang hinirang
Dagat bundok at bukirin
Mayaman sa kalikasan
Ang totoong pagkakaisa
Matagal mo nang inaasam
Sa bayan ng mga magiliw
Perlas ng silanganan
Marahil ay ito na nga
Ang panahon
Sa pagbago ng iyong anyo
Tungo sa pagbangon
