Sa dansa
Anninora anninnora sienda mia
Narende de su macchine e s'omine
Sas boghes de sa vida currene
A bolu in sas garas de poesias
Dormi ninnia...
Deo soe minore ma omine de onore
E ponzo a bois cust'urtima cantone
Detzisa e forte che coro e leone
Deo chi, e sa zente mea, so Salvatore
Cando mi jamas mi faghes onore
Siada festa e santu o de partitu
S'annu passadu o ennidu
Fiat sa festa e su nostru fiore
Anninora nninnora frade meu
Attentu a cando tancasa sos chizos
Chi tottu passat e andat a buleu
Liande intro e su coro sos disizos
Gai che Gesù Cristu so in mesu
A bois, Camedda, unu pro ala appesu
Cun malagana bos do eo sa manu
Ma cheria a m'istringher a pianu
Fininde, a tie naramus: Ista chietu!
Itte omine sese si faches tejos?
De su dolu nostru appas respettu
E tanca pro piaghere cussos ojos!
Anninora nninnora frade meu
Attentu a cando tancasa sos chizos
Chi tottu passat e andat a buleu
Liande intro e su coro sos disizos
A disora deo canto, sienda mia
Antigos gosos, dillos e ditirambos
Pregatorias, muttos e strambottos
Tue faghe in pache sa ninnia
