![Sylvia La Torre Sylvia La Torre](https://is3-ssl.mzstatic.com/image/thumb/Music/22/30/56/mzi.ppjtamwz.tif/100x100cc.webp)
Sampaguita
Sampaguita ng aking bayan
Bulaklak na bango ng buhay
Simputi ng sumpang dalisay ng pagsintang di mamamatay
Ikaw raw ang dating pagsuyo
Ng dalagang minsang mangako
Sa binatang dagling lumayo ay naghihintay ang dakilang puso
Sa pagluha pumanaw ang paraluman
Ngunit sa libingan
Nakita'y halaman
Bulaklak ay puti't may ganda ng buhay
Sumpa kita ang waring bulong sa bawat nagdaraan
Buhat noong pinangalang sampaguita
Ang halamang pusong
Luha ng dalaga
Kaya ang pagsintang hanap ay pag-asa
Laging nagkukuwintas sa dibdib ng tanging sampaguita
Sa bayan kong mahal
Ang sampaguita'y sumpang walang hanggan
Ang pusong tunay
Na nagmahal
Ay sampaguitang di mapaparam