Perfidia
Muiñeira montañesa
Muiñeira montañesa
Nunca vin unha muiñeira
Tan sinceira coma esa
Fuches falar mal de min
A quen logo mo contou
Sempre quixen ben e quero
A quen me desenganou
Teño unha herba na horta
Que rebenta polo pé
Tamén te ía rebentar
Por dicir o que non é
O que ben quixo algún día
Se a querer ten afección
Sempre lle queda unha bágoa
Dentro do seu corazón
Quero cantar e estar leda
Que a tristura non fai ben
Aínda non vin a tristura
Dar de comer a ninguén
Muiñeira montañesa
Muiñeira montañesa
Nunca vin unha muiñeira
Tan sinceira coma esa
