Aguyje ame'ẽva

Aguyje ame'ẽva ko che rekovépe
pe mbyja mokõire ku aipe'a javerõ
ahecha porãva moroti ha hũva,
ha yvate pe yvága hendy ha overáva
ha heta apytépe kuimba'e ahayhúva.

Aguyje ame'ẽva ko che rekovépe
Ome'ẽgui chéve ahendu haguãva
Kyju puraheipe ha guyra ñe'ẽme,
Mbotaha hyapúva, amangy ho'áva
Kunu’ũ hyapúva che jára hay'ópe.

Aguyje ame'ẽva ko che rekovépe.
Mba'epu porãre ha pe amoñe'ẽva,
Umi amonguetáva ha'e ha aimo’ãva ,
Sy, kyvy ahayhúva, mba'e ohesapéva
ha pe che ahayhúva tape aguatáva.

Aguyje ame'ẽva ko che rekovépe
Ome'ẽgui chéve aguata haguáva
Hendive kuera aikova yno'o ha táva,
Yvyty ha ñúme, ha mamo ahahápe
Óga reikohápe korapy ha okápe.

Aguyje ame'ẽva opaite mba'ére
Ko che korasõre hekove omomýiva
Ahecharo hina ñane aká ojapova,
Ahecha ojeirõ angatuva añágui
Ama'ero aína nde resa ojajáiva.

Aguyje ame'ẽva ko che rekovépe
Ome'ẽgui chéve puka, jahe'ópe
Ha upéicha aipe'áva ñembyasy vy'águi
Umi mokõivéva che mbopurahéiva
Pe nde purahei che ave apurahéiva
Purahei maymáva che ave apurahéiva.