XABIER CORDAL

Xabier Cordal Fustes, nado na Coruña o 27 de novembro de 1965, é un escritor galego.

Fecha de nacimiento:
27 de noviembre de 1965

Sumario

Trovapedia

Textos musicados de
Xabier Cordal

Cancioneros con canciones
de Xabier Cordal

Traxectoria

Licenciado en Filoloxía Galega pola Universidade de Compostela. Desde 1989 exerce como profesor de Lingua e Literatura galegas, actualmente no IES da Terra Chá. Reside no Corgo.

Como escritor destaca a súa produción poética (foi un dos integrantes do grupo poético Ronseltz), pero tampouco se poden esquecer as súas críticas literarias e as súas múltiples colaboracións xornalísticas no xa extinto O Correo Galego (dentro do suplemento Revista das Letras) e en Galicia Hoxe. Tamén colaborou en varias publicacións periódicas como A Trabe de Ouro.

Foi ademais coautor do guión do filme A mariñeira e letrista do grupo musical Luar na Lubre ("Memoria da noite" ou "Centeás" levan a súa sinatura).

Tamén colaborou con artigos de opinión no xornal dixital Vieiros e formou parte das Redes Escarlata. Mantivo os blogs Monte Alto e Centeás (2010-2014).

Obras

Poesía

Arianrod. Baía (A Coruña, 1993).
Fruto do teixo. Edicións do Castro (Sada, 1994).
Afásia. Baía (A Coruña, 1997).
A vella peneira a noite. Baía (A Coruña, 2001).
transmuta. Xerais (Vigo, 2012).
resistencia da auga. Chan da Pólvora (Santiago de Compostela, 2018).

Narrativa

Relatos para televisión. (Xerais, 2019)

Ensaio

"A ideoloxía reintegracionista (notas de filoloxía política 2.0)" in A Trabe de Ouro, nº 79.

Obras colectivas

Concurso Nacional de Poesía O Facho (1978-1989), 1990, Edicións do Castro.
Congresso Álvaro Cunqueiro: Actas, 1993, Deputación de Lugo. Coordinador da edición, con Araceli Herrero Figueroa, Bernardo Penabade e Ramom Reimunde.
Unicornio de cenorias que cabalgas os sábados (Ronseltz), Positivas, 1994.
XIV Festival da Poesia no Condado (libro colectivo de poesía). Ed. Sociedade Cultural e Desportiva do Condado (Salvaterra de Miño, 1994).
dEfecto 2000. Antoloxía de poetas dos 90. Ed. Letras de Cal (Santiago de Compostela, 1999).
Alma de beiramar (Asociación de Escritores en Lingua Galega, 2003).
Negra sombra. Intervención poética contra a marea negra (libro colectivo de poesía). Ed. Espiral Maior (A Coruña, 2003).
Xuro que nunca volverei pasar fame. Poesía escarlata (Difusora, 2003).
Polifonías II. Voces poéticas contra a violencia de xénero (Espiral Maior, 2007).
55 mentiras sobre a lingua galega (Laiovento, 2009).
En defensa do Poleiro. A voz dos escritores galegos en Celanova (Toxosoutos, 2010).
Cociñando ao pé da letra (Galaxia, 2011). Colaboración con varios autores sobre poesía e cociña.
Premios Terras de Chamoso (2007-2009) (2011, Asociación Cultural Arumes do Corgo).
A cidade na poesía galega do século XXI (2012, Toxosoutos).
Versus cianuro. Poemas contra a mina de ouro de Corcoesto (2013, A. C. Caldeirón).
De Cantares Hoxe. Os Cantares Gallegos de Rosalía de Castro no século XXI (2015, Fundación Rosalía de Castro/Radio Galega).