Gerria
Eraztun batek bildu dit gerria
kili-kili eginez
barrez lehertzeko zorian nago
sabeleko minez
milaka txintxarri dabilzkit orain
txilinka zotinez.
Saihes-hezurrak dardarka dauzkat
motor baten antzera,
itsasontzi bat dirudit eta
joango naiz Caribera
itsasoko zaldien gainean
ibiltzera gora-behera.
Erroskila batek bildu dit gerria
eta gozatu azala,
barrez lehertzeko zorian nago
Mona Lisa bezala
zerbait irentsi ezinik ote dago
edo zotinka bestela?
Autor(es): Jabier Muguruza, Juan Kruz Igerabide
