Chel spinc tal sen
Rosis blancis ta lis sìsis,
nulis blancis inta'l séil,
ma par me son robis grìsis
e cujertis di un puor véil.
Ta la not sensa rosada
s'i ti sìns a planzi il vint,
pensa al tant ch'i ti ài vuardada
ognu dì il me mal scundìnt.
Tantis voltis son nassudis
li violutis tai rivai,
tantis stelis son coladis
tal serèn dal séil di mai.
E ognu volta i prometevi
di giavà chel spinc dal sen,
ma i sintivi ch'i morevi
s'i no vès pi vut chel ben.
Autor(es): Paolo Chiarandini, Riccardo Castellani