Un cancion pa mi Aruba
Un cancion pa mi Aruba
Mira cuanto aña ya a pasa, cu ma bai lagabo, cu lenso na wowo
Ma borda e avion destino Hulanda, futuro incierto, mi ta bandonabo
Tanto ba mustrami, min kier a mira, mi tabata ciego, mi no kier a sa
Tanto ba brindami, min kier a tuma, mi tabata rebelde, mi tabata bobo
Pa ki ma bai lagabo
Mi ta falte calor di bo tera
Laga mi famia dushi atras
Esnan cu a dunami tur amor
Aruba, mi isla dushi
Ta con nos lo cambia
Ki lo pasa cu nos cultura
Ta kende ta cuide
Ma pasa den tempo duro, Hulanda n ta Aruba, ma falta bo calor
Ta hopi aña pasa, hopi aventura a mira mi cara
Ora cu frieu a drenta, ma corda mi cama na cas di mi mama
Na unda semper tin calor i pa tur jiu tin hopi amor
Un cancion pa mi Aruba
Un homenahe cu ta bin di mi curason
Tur e cosnan dushi cu bo a dunami
Ta awor mi por aprecianan, dunanan balor
Aruba, mi isla stima
Aruba, ta di bo so mi ta
Bo falta mi a sinti pa hopi aña
Pero den mi curason semper bo ta
Aruba, Aruba, Aruba, Aruba
Tera di mi tata i mi mama
Tera cu a dunanos un bida dushi
Danki na bo ata nos awe aki
Aruba, cu orgullo mi ta cantabo
Aruba, Aruba, Aruba, Aruba
Ayo Aruba, Aruba
Mi lo bai faltabo, Aruba
Nunca lo mi lubidabo, Aruba
Tera di mi tata
.
Ayo Aruba, Aruba
Mi ta faltabo, Aruba
Nunca lo mi lubidabo, Aruba
Tera di mi tata