Semente de Vencer

SES


Con cada gran baixo terra
Medran cen flores rosadas
E cada póla coidada
Achega máis compañeiras.

Coa claridade do río
E do mar a forza brava
Faise pequeno o camiño
E o medo todo se acaba

E que importa, meu ben, que importa
Se non o chego eu a ver?
E que importa, meu ben, que morramos,
Se deixamos semente de vencer?

Vai o paxaro ao seu niño
E o voitre a ocupar o val-e,
Pero o paxariño sabe
Sempre quen é súa nai-e.

E a noite longa é tan dura
Que as saudades se instalan,
Pero que non pense a lúa
Que o sol non vén pra botala

E que importa, meu ben, que importa
Se non o chego eu a ver?
E que importa, meu ben, que morramos,
Se deixamos semente de vencer?

E que importa, meu ben, que importa
Se non o chego eu a ver?
E que importa que morramos,
Se deixamos semente de vencer?

E que importa, meu ben, que importa
Se non o chego eu a ver?
E que importa, que morramos,
Se deixamos semente de vencer?

E que importa, meu ben, que importa
Se non o chego eu a ver?
E que importa, meu ben, que morramos,
Se deixamos semente de vencer?


Autor(es): Maria Xose Silvar Fernández