Supportico della vita n.2

Pe' cciente mane
ce stanno porte chiuse e 'n terra 'o 'nfuso
si ha chiuvuto 'na jurnata sana.
Pe'cciente mane
ce sta 'nu turzo 'e pane,
famma all'uocchie ca nun chiagne maje
ma te fa vede' addo' staje
siente ca è cagnato pure 'o viento.
Ca aùsto è capo 'e vierno.
Pe cciente spine
'a strada addo' cammino.

Crisce santo 'sta dummèneca
ccà sta mamma toja,
ogge nun è gghiuta a fabbrica
le sbatteva 'o core.
Quanno staje tu sulo piènzeme
Cerca 'n faccia 'o muro
chesti facce ca te parlano,
si te sbatte 'o core.

Ma aùsto è capo 'e vierno.
Pe' cciente juorne,
t'addormarrà 'stu suonno,
ma senza scuorno,
ma senza scuorno.

(Casa mia,
e 'n ponta 'e lengua 'o sole,
mure antiche e suonne a ppiede 'e lietto
e mmiezo 'e mmane 'e chiuove.
Core mio,
si mo nun stongo allero,
m'abbasta 'na mez'ora 'e niente
e cagno comm'o viento.)