Na voce

'Na voce pe' te fa addurmi', vocca 'e luna,
stasera vengo a te canta' senza bucie.
'A quanno nun ce stai, tu 'o ssaje
'o viento scioscia ancora e 'a gente sta sempe cchiù sola,
ammo curruto senza perdere ll'adore
d''o mare ca steve llà 'nnante e nun diceva 'na parola.
Fanno sempe tremma' 'e canzone
fanno sta allere o stutano 'a luce d''o sole.
Simmo viecchi cu' facce 'e criature.
Si t''o ccanto è pecché pure io ce crero ancora.
'Sta voce è pe' te fa senti', vocca 'e luna
nun è cagnato niente e nun c'acciso ancora 'a fantasia.
'A quanno nun ce stai tu 'o ssaje
fa mille guerre 'o core, forse sempe cchiù d'ajere
simmo crisciute a botte 'e rièbbete e penziere
ma po' sta vita è bbona si a doppo vene 'o suonno
e nun da cchiù dulore.