Figli' 'e Ddio

Na maglia 'ncuollo,
duje zucculille 'o pede,
'e capille luonghe.
Stu cuorpo m'ha tradito,
stu cuorpo 'nfame.
Io femmena me sento pure p' 'a gente,
na attrice d' 'o teatro cu 'e cosce afora,
na femmena importante,
tutta elegante.
D' 'a casa m'hanno cacciato,
m'hanno mannato,
e Ammore è.
E credo a Dio, m'astregno a Dio.
E' roca sta voce, s' Io prego a te.
'A malevera s'ha da straccià?
Pure Io, so' figli' 'e Dio
'A gente guarda,
sape tuttcosa nun acala 'a capa,
e quanta tennerezza p' 'a voce mia
Io so nu femminiello e grazie a Dio,
Io tengo na fatica,
no comm' all' ate m'aizo ogni matina,
m'aggio spusato,
pe' finta e pe' tramente arape ll'uocchie,
e Ammore è.
E credo a Dio, m'astregno a Dio.
E' roca sta voce,
s' Io prego a te.
'A malevera s'ha da straccià?
Pure Io, so' figli' 'e Dio.