Por la tu puerta yo pasí

Por la tu puerta yo pasí,
te vidi en la huerta
te demandi una condjá (rosa),
dejites "No hay abierta".

Por la tu puerta yo pasí
con todos mis amigos
en tu ventana me posí
tañendo'l mandolino.

Salí a la puerta, te veré;
salí a la ventana
hávlame y descúbreme
secretos de tu alma.

Si yo te empiezo a descubrir
secretos de mi vida
el cielo quero por papel,
la mar quero por tinta.

Hermosa sos en cantidad,
honestedad no tienes
millones bi me vas a dar,
mi gente no te queren.

No quero más que me havlés,
ni por mi puerta pases
mas antes me querías bien,
angora te yelates.