Canción pequena

Cando te pos a escarvar na memoria
vas escollendo do pasado aquelas cousas
que te apuntalan, que te afirman, que te ancoran
que te protexen dalgunhas sombras

Eu tan escravo coma o beizo da boca
eu tan atado coma un neno á súa pelota
tan desarmado coma un rei sen a súa coroa
coma unha barca sobre as ondas

Sen ti faltaríame o alfabeto
sen ti consigo facerme tan pequeno
que se alguén fai así desaparezo
coma un globo de gas que vai ó ceo

Non sei moi ben se son o fío ou a cometa
non sei se son o corazón ou a cabeza
nunca saberei se son a alma ou a materia
se son o pau, se son a vela

Entre os dous inventamos o imperfecto
coa apariencia de facer sempre o correcto
que sabe ninguén o que nos pasa a nós por dentro
a quen lle importa se eu te quero