Aquel quirosanu

Ayer, en la romería, bailé con un quirosanu
y estrapayome una deda y desféxome un calcañu.
Bailando, bailando y al son del tambor,
aquel quirosanu un pie me trió.
Con el quirosanu non güelvo a bailar;
baila de madreñes me puede triar.

¡Ay madre!, aquel quirosanu que no entre na mió praera,
que donde afinca les pates non güelve a nacer la yerba.
Aquel quirosanu que no entre en mió prau,
que donde él afinca non naz el segao;
y el mió prau cria muy buen alcacer;
si entra el quirosanu non güelve a nacer.

Yo quiero bailar con Pachu, Pinín, redobla el tambor,
que está munchu más lixeru y ximielgase meyor.
Miráilu, miráilu, miráilu bailar;
mirái que fegures, les güeltes que dá.
Miráilu bailando, paez un molín;
qué bien da les güeltes, mirái a Pachín.