't geit loos
Ik kôm van links, hae kump van rechs,
we wille allebei rechdoor
Dus det wuurt buige, braeke,
bartse of ein hand
Maar compromisse zien veur mietjes
en gebuig det is veur rietjes
Ik kiék nut; en dauw um in t zand
Einen dauw is neet genôg,
al snak-e oétgeteld nao lôch
Hae steit weer op en balt zien voés
Mien argumente raake op en baff,
hae hauwt mich op de kop, noow zit dr
blood en baom aan mienen bloés
De wiéze wäörd die ik citeer,
verlaere (wie ik auk probeer)
Al eur zeggingskrach en ik weit wao t aan leet:
zien elders barste van de pieke maar
vergaete eur klassieke
Haes van rechs, dus laeze kint-e neet
Maar vechte deste miér en veur de
ach-en-tigste kiër
Hauwt hae mich vol met loëje voéste in mien mörf
As det zoë doorgeit dan verlaer ik,
zônder det ik discussieer
Van deze broénhaempparodie
op Billie Törf
Ik zeen t dreije um mich haer,
t liékene fieftig glaazer baer
Maar t zien huegstes twelf klappe op mien wang
Al is dn twelfde dan net dr eine miér
as waat ik red, en t wuurt zwart en ik huer Ingelegezang
De kômmende veer oor haet rechs heej veurrang, det is zoor
Maar as ik wakker waer dan blaos ik de
reveille, dan staon ik op en stop met baale,
zing dn Internationale
Idderein dae auk van links kump zingk dan mei