Nagmamahalan
Ang buhay ay makulay kung puso ay may pag-ibig
Bawat saglit ay ligaya't aliw na walang patid
Lalo't isang tulad mo ang mag-aari sa dibdib
Wari bagang puso ko'y nahagip sa langit
Wag ka sanang alinlangan
Ang sumpa ko ay hanggang libingan
Ang pagsinta ay 'sing tibay lamang ng mga sumpa
Kung pangako'y marupok pagsinta ay mawawala
Ang pag-ibig na sayo ang aking inihahandog
Ay tatagal hanggang sa puso ko'y may tibok
Wag ka sanang alinlangan
Ang sumpa ko ay hanggang libingan
Ating damhin ang tamis at init niyaring pagsinta
At isinumpang puso'y kailanma'y di mag-iiba
Ipadamang lagi ang pagsuyo sa isa't isa
Palaging sariwa sa tuwina ang pagsinta